പാര്‍ക്കിലെത്തിയ സ്ത്രീയെ വളഞ്ഞിട്ട് ആക്രമിച്ച് തെരുവുനായ്ക്കള്‍. നായ്ക്കളുടെ ആക്രമണത്തില്‍ നിന്ന് രക്ഷപ്പെടാന്‍ സ്ത്രീ ഓടുന്ന നടുക്കുന്ന കാഴ്ചകള്‍ പുറത്തുവന്നിരിക്കുകയാണ്.
നോയിഡയില്‍ ഫ്ളാറ്റ് സമുച്ചയത്തിന് താഴെ പാര്‍ക്കിലാണ് സംഭവം. സെക്ടര്‍ 78ല്‍ മഹാഗണ്‍ മോഡേണ സൊസൈറ്റിയിലാണ് സ്ത്രീയെ തെരുവുനായ്ക്കള്‍ ആക്രമിച്ചത്.
പാര്‍ക്കില്‍ വളര്‍ത്തുനായയോടൊപ്പം എത്തിയതാണ് സ്ത്രീ. ആ സമയത്ത് കൂട്ടത്തോടെ എത്തിയ തെരുവുനായ്ക്കള്‍ സ്ത്രീയെ ആക്രമിക്കുകയായിരുന്നു.
വളര്‍ത്തുനായയെ കൈയിലെടുത്ത് സ്ത്രീ ഓടുന്ന ദൃശ്യങ്ങളാണ് പുറത്തുവന്നത്. തെരുവുനായ്ക്കള്‍ പിന്തുടര്‍ന്ന് ആക്രമിക്കാന്‍ ശ്രമിക്കുന്നതും ദൃശ്യങ്ങളില്‍ കാണാം.
സൊസൈറ്റികളില്‍ പോലും തെരുവുനായ്ക്കളുടെ ശല്യം കാരണം ജീവിക്കാന്‍ കഴിയുന്നില്ലെന്നാണ് കമന്റുകള്‍.
